Khush haal se tum bhi lagtey ho
Yoon afsurda to hum bhi nahi
Per janeny waley jantey hain
Khush hum bhi nahi khush tum bhi nahi

Tum apni khudi ke pahrey main
Aur daam-e-garoor main jakrey howay
Hum apney zayam ke narghey main
Anaa haath hamara pakrey howay

Mahsoor-e-tlatam aaj bhi ho
Go tum ne kinarey dhoond liyey
Toofan se sunbhley hum bhi nahi
Kehney ko saharey dhoond liyey

Khamoosh se hum tum mohar ba lab
Jug beet gaiy tik baat keyey
Chloo khel adhoora choortain hain
Bina chaal chaley bina maat keyey

Jo bhaagtey bhaagtey thak jayan
Wo sayai ruk bhi saktey hain
Chloo toroo kasam chloo iqrar karain
hum doonon jhuk bhi saktey hain

Submitted by: Beeba
Email: hmazahir@yahoo.com